Archivo por meses: octubre 2016
A NOVA TEMPADA DA RUTA DAS TAPAS COMEZARÁ A PRIMEIRA FIN DE SEMANA DE NOVEMBRO COS COGUMELOS E CASTAÑAS COMO PROTAGONISTAS
A nova tempada da Ruta das Tapas que deseñan a concellería de Turismo e o sector hostaleiro, terá algunhas novidades con respecto ás anteriores. Así, celebraranse dúas rutas cada mes, coincidindo coa primeira e penúltima semana. A primeira ruta comezará na primeira fin de semana de novembro, que estará adicada aos cogumelos e ás castañas.
Outra novidade será o número de mesóns, bares e establecementos hostaleiros participantes. Así, ainda está aberto o prazo para poder adherirse, inscritos é de 22.
Asemade, increméntase a cuantía e o número de premios que se entregarán ao remate da tempada. Isto é posible polo aumento dos patrocinadores que nesta edición 2016-2017 serán: Concello do Carballiño, Extramundi, Centro Comercial Aberto e a colaboración de Aspadisi, que se encargará do reparto de carteis promocionais. Con respecto á tempada pasada, incorpórase como patrocinador o CCA. En total, haberá 2.000 euros en premios, que serán aportados polo concello (1.000), Extramundi (500) e CCA (500). Esta entidade tamén se encargará da edición da cartelería.
Finalmente, co obxectivo de mellorar a calidade dos pinchos que se ofrezan en cada ruta nos distintos establecementos hostaleiros, incrementarase o prezo dos mesmos, que pasarán a costar 2 euros.
Todas estas novidades serán presentadas ao remate do período de inscrición e antes do comezo da primeira ruta.
A Nena Que Quería Navegar – Teatro – Auditorio Ourense
Redrum Teatro estrea un espectáculo que loita contra o acoso escolar no Auditorio Municipal de Ourense.
A Nena Que Quería Navegar está protagonizado por Laura Míguez e Guillermo Carbajo e dirixido por Alex Sampayo sobre un texto da súa propia autoría compartida con Borja F. Caamaño.
O próximo domingo 23 de outubro, o Auditorio Municipal de Ourense, acollerá, a partir das 12:00 h, a estrea mundial do espectáculo A Nena Que Quería Navegar, da compañía de teatro
Redrum, como punto de partida dunha xira que percorrerá os teatros de Galicia na tempada 2016/2017.
Producida co apoio de AGADIC, A Nena Que Quería Navegar é unha comedia familiar que trata de previr situacións de acoso escolar a través de técnicas de reforzo positivo e mellora da autoestima dos rapaces e rapazas. Está protagonizada pola actriz ourensá Laura Míguez e por Guillermo Carbajo. A primeira, coñecida polos seus traballos en series da TVG como Fontealba ou Pazo de Familia, así como polas montaxes da compañía teatral Il Maquinario; Guillermo
Carbajo é coñecido polo público por ter sido “o neno" da serie Pratos Combinados e pola súa participación noutras producións galegas como “Valderrei” ou “Matalobos” e nas anteriores montaxes de Redrum Teatro.
A dirección vai a cargo de Alex Sampayo, director tamén coñecido polo seu traballo no sector audiovisual, no que dirixiu series como El Internado ou Padre Casares. Neste momento vén de presentar en varios festivais de todo o mundo a súa ópera prima Schimbare, unha longametraxe protagonizada por Candela Peña e Luis Zahera.
Trátase dun proxecto multidisciplinar, posto que o espectáculo vai acompañado dun conto
ilustrado do mesmo nome con debuxos de Rodrigo Chao e que xa está dispoñible en librarías.
Os textos do espectáculo e do conto están asinados por Borja F. Caamaño e Alex Sampayo.
Trátase da sétima produción da compañía compostelá Redrum Teatro, unha compañía fundada en 2009 que xa levou aos escenarios a obra de suspense A Pensión, protagonizada por Rosa Álvarez; os espectáculos infantís “Moito Conto” e “Roedores”; así como as comedias “Curriculum Vitae”, “Amor Flexible” e “Noiteboa”, esta última protagonizada por Ernesto Chao e Mela Casal.
A pista vermella de O Carballiño volta a ser ROXA
A pista roxa lugar referente en O Carballiño. Símbolo de deporte, da xuventude da vila como lugar de encontro, epicentro que deu nome a zona roxa tamen conocida como zona de arriba na marcha carballiñesa volta despois de moito tempo a recuperar esa cor que a caracterizaba.
Os traballos de pintado da mesma dan un aspecto coidado e xuvenil a unha cancha de baloncesto que xa e un referente na vila.
CONSTRUCCIÓN DUN NOVO MIRADOR SOBRE O RÍO ARENTEIRO
COMEZA A CONSTRUCCIÓN DUN NOVO MIRADOR SOBRE O RÍO ARENTEIRO NA ZONA DO BALNEARIO
FACILITARÁ O ACCESO PEONIL ENTRE O SENDEIRO E A RÚA DO RÍO AVIA
O Carballiño, 10 de outubro de 2016.- O Paseo do Arenteiro contará a finais deste mes cun novo mirador e acceso peonil entre o sendeiro e a Avenida do Balneario. Estará ubicado no remate da rúa Río Avia, moi preto do Balneario.
Trátase dunha rúa sen saída e cun gran desnivel sobre o sendeiro da ribeira esquerda do Arenteiro, polo que este proxecto, redactado polo arquitecto municipal, cumpre un dobre obxectivo: por un lado, mellorar a seguridade, e por outro, facilitar o acceso entre esta rúa e o paseo do río, ademáis de embelecer o lugar.
Así, a remodelación consiste na construcción dunha praza-mirador, de 2,70 metros de altura sobre o nivel do paseo do río, e de dúas vías de acceso, unha en escaleira pola marxe dereita, e outra en rampa pola marxe esquerda. Tanto a praza-mirador, como a escaleira e a rampa irán recubertas de pedra, e terán unha baranda de ferro. Tamén está prevista a colocación de bancos de forxa e madeira.
Para executar esta obra, que ten un custo global duns 50.000 euros, o concello conta cunha subvención de 40.000 euros da Dirección de Turismo da Xunta de Galicia, segundo un convenio asinado o pasado verán entre o alcalde, Francisco Fumega, e a Directora de Turismo, Nava Castro.
Hoxe realizáronse diversas medicións no lugar do emprazamento deste novo mirador, e as obras comezarán de inmediato, calculándose que poderían estar rematadas a finais deste mes de outubro.
II Andaina + trail do outono do Concello de Piñor
O Concello de Piñor, ven a organizar a II Andaina + trail do outono que terá lugar o día 15 de Outubro as 16 horas e o Trail será a eso das 17 horas.
Tarde de Enduro Extremo
A tarde do Sábado de O Carballiño vai estar animada por o ruxir dos motores con unha proba de enduro extremo organizada por Extremo Mesego que terá lugar no centro da vila, na rúa Aldara el arredores da Praza Maior.
