O Concello de Piñor “pasa” da violencia de xénero

O Grupo municipal Socialista manifesta que e unha vergoña a actitude do actual goberno ante o que e un problema social, e lamentan que de ser pioneiro na loita por a igualdade pase a estar no furgón de cola.

 

NIN UN ACTO NIN UNHA MENCIÓN NO DÍA CONTRA A VIOLENCIA DE XÉNERO.

Despois de tantos anos conmemorando esta data o Concello de Piñor pasa do tema.

 

Diante da ausencia de convocatoria algunha, ou de comunicación dalgún acto relativo á conmemoración do Día Internacional contra a violencia de xénero por parte do Concello de Piñor; o grupo municipal socialista preguntóulle no pleno de onte ó alcalde por se había algunha previsión ó respecto. A resposta do alcalde foi cando menos sorprendente: limitouse a dicir que aínda recibirán onte os carteis e folletos que lle mandara a Xunta de Galicia e non tiveran tempo a colocalos.

Indígnanos ó grupo socialista a falla de compromiso por parte do Concello de Piñor con esta lacra social, nin unha pequeña declaración institucional, nin unha concentración, nin un acto por pequeño que fose.

A violencia de xénero non se aborda únicamente cun cartel (que non dou tempo a colocar) coma quen pon un cartel dunha festa. É un compromiso coa sensibilización, coa información, co non ocultar unha problemática, implicando a toda a veciñanza e facéndolle ver que a violencia de xénero é un problema de toda a poboación. E nesa tarefa é imprescindible a colaboración dos concellos posto que somos a administración que máis cerca está da xente.

Todos estes anos pasados, durante os gobernos socialistas, sempre se conmemorou esta data; uns anos con obradoiros de sensibilización, outros con charlas, outros con diversos talleres, con conferencias, coa presencia de destacadas conferenciantes, ata contamos coa presencia da Secretaria de Estado de Igualdade e coa Secretaria Xeral de Igualdade da Xunta que viñeron a participar nas actividades organizadas polo concello e puxeron a Piñor como exemplo das políticas contra a violencia nos concellos do rural. O ano pasado, nun acto moi concurrido, coincidindo con esta data presentamos o terceiro Plan de Igualdade de Oportunidades das Mulleres e dos Homes de Piñor, sendo Piñor dos poucos concellos galegos que xa van pola terceira edición. Plan no que se recolle o compromiso do concello neste eido, e que os actuais gobernantes de Piñor ignoran por completo. Pasamos de ser un concello pioneiro na loita contra a violencia de xénero a situarnos no furgón de cola.

Amazon tarda 7 minutos en incumprir os seus compromisos

UCGAL quere advertir ós clientes e usuarios de Amazon España, sobre todo tendo en conta a proximidade dunha data tan sinalada como o Black Friday, que poñan especial atención ós prazos de entrega dos pedidos que promete a compañía, e que son vinculantes. Esta organización, ven de comprobar o incumprimento, por parte de Amazon, das condicións determinadas dun envío do servizo Premium, un servizo de pago.

Un asociado comprou hoxe, día 25 de novembro, un produto no portal de Amazon facendo uso da súa conta Premium. A data de entrega garantida, segundo o primeiro aviso da empresa, sería ó día

seguinte. Non obstante, menos de oito minutos máis tarde, o noso asociado recibiu o aviso de que a entrega se realizaría ‘posiblemente’ un día máis tarde.

Neste caso concreto, Amazon non só incumpre as súas condicións de envío senón que tamén vulnera os dereitos da persoa consumidora. Tendo en conta que estamos ás portas do Black Friday, data na que os pedidos e as ventas no comercio electrónico se disparan, xorde a cuestión de se Amazon será quen de cumprir con todos os envíos dentro do tempo esixido, unha cuestión que Unión de Consumidores de Galicia dubida seriamente.

Esta organización aproveita para porse a disposición de todas aquelas persoas que sexan vítimas de situacións como a que acabamos de expoñer de cara á consolidación dunha denuncia que xa prepara.

ANUNCIO CONTRATACIÓN AUXILIAR DE AXUDA NO FOGAR

O Concello de Piñor, informa que ven de publicar un proceso de contratación que inicia o Departamento de Servizos Sociais para seleccionar un/ha auxiliar de axuda no fogar.

Os/as interesados/as poderán presentar as súas solicitudes no Rexistro do concello de 9.00 a 14.00 horas, durante o prazo de cinco días hábiles

Ver anuncio BOP.

O Banco Santander cobra comisións por retirada de efectivo nun proceso de tarxeta clonada e fraude recoñecido pola propia entidade

Se te clonan a tarxeta de crédito o banco saca tallada.

UCGAL quere poñer o foco de atención sobre un caso que chegou á asociación relacionado cos roubos

nas fraudes de clonación de tarxeta. Recentemente, unha das nosas asociadas levou unha

desagradable sorpresa cando a súa entidade bancaria, neste caso o Banco Santander, lle informou de

catro retiradas en efectivo feitas coa súa tarxeta en Seúl (Corea do Sur). Decontado, púxose en

contacto coa súa entidade para avisar de que non fixera esas retiradas e pedir a anulación da tarxeta

de crédito. Supoñemos que a tarxeta foi clonada xa que non houbo subtracción nin extravío.

Neste caso concreto, o Banco Santander devolveulle a nosa asociada o importe íntegro dos cartos

subtraídos. Non obstante, pasados uns días, a entidade pasoulle varios cobros, cun importe total de

50,03 €, a súa conta corrente en concepto de comisión por reintegro no estranxeiro. O Santander, que

previamente recoñecera que a nosa asociada fora vítima dunha fraude, cobroulle a comisión por

retirada do efectivo roubado.

Esta organización considera que un feito como este é un abuso por parte do Banco Santander,

entidade que “aproveitou” a fraude de clonación de tarxeta para aplicar comisións á vítima.

Ante este atropelo, queremos advertir ás persoas que fosen vítimas dun uso fraudulento de tarxeta e

subtracción de cartos desde o estranxeiro que consulten coas súas entidades bancarias por se lles

pasan cobros en concepto de comisión por retirada de efectivo no estranxeiro, xa que entendemos

que ese pago está de máis.

Moralexa, se te clonan a tarxeta atento ás comisións.