A Asociación de Internautas (AI), Unió de Consumidors de Catalunya, (UCC), Unión de Consumidores da Comunitat Valenciana (UCCV), Unión de Consumidores de Euskadi (UCEs) Unión de Consumidores de Galicia (UCGAL) e a Asociación Pro Derechos Civiles Económicos y Sociales (ADECES) querenmanifestar o seu rexeitamento á nova subida de entre 2 e 5 euros nas súas modalidades de Fusión anunciada por Movistar. Para xustificala impón parte do fútbol nos diferentes paquetes que se comercializan, sen dar a opción ao usuario de que se abone ou non a esta opción. Unha suba que se suma ás levadas a efecto desde maio de 2015 (máis de 14 euros en conxunto).

Deste xeito, todos os usuarios de Movistar Fusión subvencionan unha opción de contidos carente de interese para bastantes abonados a cambio dun incremento de ingresos.

A compañía ten unha complicada papeleta entre mans, será difícil rendibilizar un investimento no que, polo menos nos termos nos que se levou a cabo, nunca debeu embarcarse. Resulta evidente que a compra dos dereitos de retransmisión do fútbol estalle pasando factura porque entre os 2.400 millóns que pagou polas próximas tempadas da Liga, a Champions e a Europa League e os 600 correspondentes ao pago pendente da Liga 2015-2016, a compañía de televisión de pago ingresou 113 millóns menos dos esperados a finais de 2015.

Como se recordará, o Goberno e a Liga decidiron elaborar unha norma para proceder á venda centralizada dos dereitos do fútbol co que se pretendía sanear a situación dos clubes para satisfacer as

súas obrigacións ante a Facenda Pública. Se ten ou non algo que ver a oferta conxunta de A3 Media e Mediapro co papel que desempeña ese grupo de comunicación no plano da política actual é algo que queda á consideración de cada un. Do mesmo xeito que tamén debe quedar a súa consideración se responde ou non a este interese a regulación elaborada á limón pola Liga e o Goberno co seu socio Mediapro.

Tras atender ás recomendacións do supervisor para a  comercialización dos restantes partidos da Liga e a Copa do Rei da tempada 2015-2016 (Movistar pagou 600 millóns e Mediapro 636 para a súa distribución no exterior), negociouse a explotación das seguintes tres tempadas. Mediapro, que xa controlaba os dereitos da Champions, fíxose cos dereitos desas tres tempadas por 1.900 millóns pese á denuncia dos usuarios sobre o funcionamento da súa plataforma, Beinsport.

Nun movemento cuxa rendibilidade a priori resulta cuestionable, Movistar pagou a Mediapro 2.400 millóns para facerse coa retransmisión das próximas tres tempadas da Liga, dúas seguintes da Champions e a Europa League, e as principais ligas internacionais.

As cifras son claras, entre 2015 e 2018, Movistar desembolsará un total de 3.000 millóns de euros polos dereitos de emisión do fútbol. Para facer fronte a esa cifra, a compañía xa iniciou unha estratexia para que sexan os seus case 4 millóns de abonados os que asuman o custo de tan arriscada aposta. Esta estratexia non só resultará complexa senón que ademais deberá superar o exame de organizacións e autoridades de consumo en relación coa súa legalidade.

Desde que xurdiu Fusión, os abonados sufriron en maio de 2015 unha suba de 5 euros. En febreiro de 2016, un incremento de 3 euros da cota mensual dos produtos de Fusión e unha subida tamén de 3€ da cota mensual das Liñas Móbiles Adicionais asociables aos empaquetamentos Fusión. En maio de 2016 o paquete series pasou de 5 a 7 euros e o paquete cine de 9 a 10.

A iso hai que engadir outros cambios: o prezo dos SMS, datos en pago por uso ou o contestador.

Para rematar, ás asociacións asinantes non lles resulta comprensible que a CNMC poida validar esta nova suba nun produto cativo como a fibra.

El cableado que tiende una empresa local de telecomunicaciones para dar servicio a sus clientes deja mucho que desear  en lo que a estetica visual y en lo que a respeto por los demás negocios se refiere. 

A Unión de Consumidores de Galicia (UCGAL) quere alertar ás persoas consumidoras das insistentes prácticas que as entidades financeiras están intensificando nos últimos meses, como intento de paliar os efectos da retirada das cláusulas chan e a previsible restitución das cantidades cobradas en aplicación dun tipo de xuro mínimo.
Esta alerta xustifícase no significativo aumento de consultas que esta organización está a recibir de usuarios con préstamos hipotecarios asinados con cláusulas chan, nas que se manifesta a insistente presión de directores das entidades financeiras co fin de que asinen un acordo de novación das súas hipotecas sobre a base dun tipo fixo xunto coa renuncia a emprender ou continuar calquera acción legal da que dispuxesen ou exercitaran.
Estes feitos sitúanse nun contexto no que as organizacións de consumidores e usuarios están á espera da resolución do Tribunal de Xustiza da Unión Europea, que entrará a valorar a retroactividade dos efectos da declaración de nulidade das chamadas cláusula chan, que previsiblemente obrigará ás entidades a restituír as cantidades desde a sinatura da hipoteca.
A Unión de Consumidores de Galicia quere recordar aos consumidores que está a súa disposición para informar e traballar na defensa dos seus dereitos en canto á recuperación das cantidades aboadas de máis aos bancos en aplicación dun limite mínimo ao tipo de xuro que se recolle nos seus préstamos.
O pasado 14 de abril, publicouse unha sentenza do Tribunal de Xustiza da UE, declarando que os consumidores non poderán ver limitados os seus dereitos nos supostos de interposición de reclamacións individuais.
UCGAL insiste en que as persoas que teñan unha hipoteca que inclúa unha cláusula chan poden plantexar a defensa dos seus intereses e reclamar as cantidades cobradas