Archivo de la categoría: Actividades

NOVA TEMPADA DA RUTA DAS TAPAS

ESTE VENRES COMEZA A NOVA TEMPADA DA RUTA DAS TAPAS CON DEZASÉIS LOCAIS, MÁIS PREMIOS E REBAIXA NO PREZO DOS PINCHOS

A APP «QUEDAMOS DE TAPAS» INFORMA DOS PINCHOS QUE OFERTAN OS LOCAIS HOSTALEIROS PARTICIPANTES

Este venres, 1 de decembro, comeza unha nova tempada da Ruta das Tapas, que contén moitas novedades con respecto ás pasadas edicións. Así, hai máis locais hostaleiros participantes, concederanse más premios, tanto directos como por sorteo, e redúcese o prezo dos pinchos a 1,50 euros. Ademáis, pon en marcha a App QuedamosdeTapas, que se pode descargar para ver nos teléfonos móviles os pinchos que ofrece cada un dos mesóns, bares e restaurantes participantes.

Os locais participantes nesta edicion son Cafetería Roraima, Café-Bar Estate Quieto, Bar Soldado, Casa Pituxo, Café Bar El Caserío, Furancho do Toto, Pulpería-Tapería Plaza, Café-Bar Peñasco, Mesón Os Portales, Cafetería Loft 27, Café-Bar Ningures, Cervecería-Tapería Don Paco, Pulpería-Asador Veracruz, Parrillada San Andrés, Café & Bar Esquina e Pulpería Restaurante Fuchela.

Estes locais ofertarán este venres, 1 de decembro, tapas ao prezo de 1,50 euros (50 céntimos menos que na pasada tempada). A ruta, que nesta xornada está dedicada aos produtos do Nadal, repetirase o venres, 8 de decembro.

Os clientes poderán obter regalos directos como mochilas, mecheiros, bolígrafos portamóbiles, cargadores de móbiles, paraguas, pinchos gratuitos noutros locais, e regalos por sorteo como servizos nos dous balnearios do Carballiño, entradas para os partidos de C.D. Arenteiro e 150 vales de compra nos establecementos do Centro Comercial Aberto por valor de 10 euros cada un. O número total de agasallos é de 2.000.

Francisco Fumega agradeceu a colaboración e implicación do sector hostaleiro nesta iniciativa, dirixida a promocionar a gastronomía do Carballiño e atraer visitantes á vila.

En termos semellantes se manifestaron a xerente do CCA, Noelia Mares, e Cristina Mouriño, representante da adega Pazo Tizón, expresando o seu desexo de que esta edición sexa ainda mellor que as anteriores.

Neste acto amosouse a gran variedade de tapas que se poderá degustar ao prezo de 1,50 euros este venres e o próximo nos locais integrados na iniciativa. Salpicón de mariscos, crema de atún e marisco en follado, bacallau con viño branco do país, lomo recheo con puré e salsa agridulce, vieira ao forno con coliflor e fideua con zamburiñas, son algunhas das propostas destes locais para as primeiras xornadas desta nova tempada da Ruta das Tapas.

Veciños de Piñor rompe co PP

Este Sábado así no lo fixeron saber mediante unha nota de prensa da Agrupación Electoral Veciños de Piñor, por o que abandonan o goberno compartido que mantiñan dende as ultimas eleccións, según o manifesto feito público comunican que o non conseguir resposta as proposicións feitas o Partido Popular, pasan a estar na oposición quedando o Partido Popular gobernando en minoría e abríndo así a posibilidade a unha moción de censura.

Crónicas dunha morte anunciada, xa que os desencontros entre as dúas formacións veñen dandose xa dende pouco despois de iniciarse a lexislatura.

 

RibeiroBlues WineFestival 2017

A inauguración contará coas intervencións do presidente do Consello Regulador do Ribeiro e do alcalde de Castrelo de Miño. O coñecido actor galego Manuel Manquiña exercerá de mestre de cerimonias e presentará a cada unha das 24 adegas participantes.
En todo o recinto tamén haberá postos de street food para degustar a mellor gastronomía.
A partires das 21:30 comezará o festival de blues. A orde das actuacións musicais será a seguinte:
– Greenwater
– Fatzilla
– The Soul Jacket
– Peón Kurtz DJ Set
O sábado 12 de agosto a partires das 21:00 será o turno de:
– Spanish Castle Magic
– Los fabulosos Weekend
– Shirley Davis and the Silverbacks
– Peón Kurtz DJ Set

Danza Tribal Oriental en Castrelo de Miño

O último domingo de mes Castrelo de Miño celebra a súa tradicional feira. Para esta de o mes de febreiro, Castrelo centra a súa temática na representación de Meigas Tribal, danzas tribais orientais. Ademais disto, os que asistan seguirán podendo gozar de lecer, gastronomía e mercado, onde se poderán atopar produtos naturais, maquinaria, utensilios, artesanía ou plantas, entre outros. Todo iso o domingo 26 na localización tradicional da feira, detrás do Parque Náutico de Castrelo.

Para o vindeiro luns 27 ás 8 da tarde, a Casa do Concello albergará unha reunión informativa para todos aqueles interesados en recibir axudas e subvencións do programa europeo Leader 2014-2020 dentro do Grupo de Desenvolvemento Rural Carballiño-Ribeiro, ao que Castrelo de Miño está adherido. Por este motivo, están a realizarse reunións informativas para atraer a todo aquel que estea interesado en solicitar este tipo de axudas para a creación de empresas ou a mellora das xa existentes.

A primeira revisión dos proxectos que se presenten realizarase o 31 de marzo. Todo aquel que busque solicitala, xa sexa unha comunidade de montes, un particular, un autónomo, unha PEME ou unha asociación, poderá interesarse a través do 988 488 451 ou por correo electrónico en info.gdr12@gmail.com. Ademais, tamén poderá recibir asistencia presencial nas oficinas que a Asociación Carballiño-Ribeiro ten abertas ao público no Centro Cívico de Leiro de luns a venres de 9 da mañá a 2 da tarde.

Campionado de España de Remo en Castrelo de Miño

Castrelo de Miño acolleu este domingo o VII Campionato de Fondo Trial de Inverno, o cal se encadra dentro dos Campionatos de España de Remo xunto co de Remoergómetro que se celebrará o día antes en Ribadavia.

En total foron 48 clubs e 283 membros que se disputarán, dentro das tres modalidades, as medallas de Ouro, Prata e Bronce. Os participantes proveñen de distintos puntos do Estado como Andalucía, Galicia, Cataluña, Comunidade Valenciana ou o País Vasco.

O percorrido de 5.500 metros discorreru polas augas do encoro de Castrelo desde as 9 da mañá do domingo ata a unha da tarde, repartidos en tres series. A partir do mediodía foi o momento no cal se procederu á repartición de medallas, que contará coa presenza de, entre outros, o alcalde de Castrelo de Miño, Xurxo Rodríguez.

Polo que respecta ás instalacións municipais, recibiron aos deportistas, os cales reservaron todas as prazas dispoñibles do Albergue Municipal. O mesmo ocorre coas dependencias nas que se celebraru a reunión de delegados previa ás competicións, onde se atoparon uns 13 xuíces e de 65 delegados.

 

RESULTADOS CAMPEONATO ESPAÑA ERGOMETRO 2017

Resultado Cto España de Fondo 2017

A cabalgata dos reis magos chegará a Castrelo de Miño o venres 6

Os reis magos chegarán puntuais a Castrelo de Miño o vindeiro venres día 6 ás 17 horas. Cargados de ilusión, de maxia e de agasallos para os pequenos de Castrelo, os reis farán parada no noso pobo coas súas carrozas e acompañados do seu cortexo de paxes, de bo ambiente e de música.

As súas maxestades partirán da ponte en Santa María, pasando por Barral e Prado, ata o colexio en Astariz, onde se atoparán a todos os nenos que esperarán por un agasallo. Ademais, tamén serán merecedores dos tradicionais caramelos, chocolate e rosca de reis para completar a noite máis máxica do ano. Por outra banda, unha delegación de paxes percorrerá as rúas de Macendo para repartir caramelos entre os pequenos que por alí atópense.

O cartel deste ano incorpora un debuxo dun alumno do CEIP de Castrelo de Miño, Esteban González Alonso, de 8 anos, gañador do primeiro premio do concurso do Colexio de Economistas de Ourense de felicitacións de nadal.

A NOVA TEMPADA DA RUTA DAS TAPAS COMEZARÁ A PRIMEIRA FIN DE SEMANA DE NOVEMBRO COS COGUMELOS E CASTAÑAS COMO PROTAGONISTAS

A nova tempada da Ruta das Tapas que deseñan a concellería de Turismo e o sector hostaleiro, terá algunhas novidades con respecto ás anteriores. Así, celebraranse dúas rutas cada mes, coincidindo coa primeira e penúltima semana. A primeira ruta comezará na primeira fin de semana de novembro, que estará adicada aos cogumelos e ás castañas.
Outra novidade será o número de mesóns, bares e establecementos hostaleiros participantes. Así, ainda está aberto o prazo para poder adherirse, inscritos é de 22.
Asemade, increméntase a cuantía e o número de premios que se entregarán ao remate da tempada. Isto é posible polo aumento dos patrocinadores que nesta edición 2016-2017 serán: Concello do Carballiño, Extramundi, Centro Comercial Aberto e a colaboración de Aspadisi, que se encargará do reparto de carteis promocionais. Con respecto á tempada pasada, incorpórase como patrocinador o CCA. En total, haberá 2.000 euros en premios, que serán aportados polo concello (1.000), Extramundi (500) e CCA (500). Esta entidade tamén se encargará da edición da cartelería.
Finalmente, co obxectivo de mellorar a calidade dos pinchos que se ofrezan en cada ruta nos distintos establecementos hostaleiros, incrementarase o prezo dos mesmos, que pasarán a costar 2 euros.
Todas estas novidades serán presentadas ao remate do período de inscrición e antes do comezo da primeira ruta.